مجتمع تويتر الاردني، الأصناف و المواصفات… من أنتم؟

بما اننا في الاردن نحب تصنيف الاشخاص حسب عدة مقاييس (كل واحد على زوقو) مثل نوع السيارة، غنيفقير، طويلقصير، الحسب و النسب، الجمال (beauty not camels:)) الخ الخ.. فحبيت اني أصنّف انواع مستخدمي تويتر الاردنيين. للعلم: انا شخصيا لا اصنف الناس (صدّقت؟؟) و لا أعني أي شخص معين بالتصنيفات و كلكم على راسي نفر نفر. قد تأخذ التصنيقات من منطلق الجد او التهكم او ببساطة لا تعني أي شيء، عادي جداً (just saying this to look like open minded:))

  1. فئة حبّوني يا جماعة“: هؤلاء ببساطة يكافحون ﻷن يكونوا الافضل و الاحلى و الاصدق و الاحب للقلوب بأي وسيلة ممكنة، و يتوقع ان يكسب المعجبين (و المعجبات) عبر تويتر. و من علامات هذا الشخص الكفاح من أجل كسب عدد كبير من ال followers بكل الوسائل و بيزعل اذا لم يأتيه followers كثير.

  2. فئة أنا الوحيد اللي بيفهم“: و هؤلاء كثار ما شاء الله. شخصيا لا استطيع كيف ممكن واحد يفهم بكل شيء، تكنولوجيا، هندسة، سياسة (ركّز على سياسة)، أدب، شعر، دين و فتاوىيا أخي (أختي) مش لهدرجة انت موهوب بعرضك، خليك في اللي بتفهم فيه، و اذا حابب تناقش بشيء عادي لو تستفسر أكثر أو تقرأ كتب تتثقف بموضوع معين، أما تعرط علينا شو ذنبنا؟؟

  3. فئة طقّ الحنكأو الصبحيات“: و من الأسم اعتقد انكم فهمتو قصدي، تجد الواحد كتب تويتة بريئة خفيفة لطيفة و بعد 5 دقايق تجد ال timeline ولّع conversation و هات يا حكي و قصص ال LOL و هههههههو لووووول حبييتها كتيير

  4. فئة تويتر عشان الشغل“: هؤلاء لهم كل الاحترام، كل ال tweets تنصب في مجال عمل معين و خاصة للتواصل مع الزبائن

  5. فئة من يريد الخير للجميع: و يستخدم تويتر لغايات انسانية او تسويقية أو تعليمية بشكل منطقي و خالي من المنغصات او الملل. فتجده يرسل tweets من مقالات هنا و هناك تنصب بغالبها إما للفائدة العامة أو نشر معلومة لمساعدة شخص او فئة من المجتمع

  6. فئة صباح الخيرو “good morning Amman, good morning world”: لا تعليق🙂

  7. فئة انا بس بعمل reply”: هؤلاء لا يظهرون على تويتر إلا للرد على tweets الاخرين و كأنهم لهم بالمرصادفهم موجودين اما لنفي جملة ما، او لتأكيدها أو ﻹحداث مشكلة. الاسوأ منهم هم من يُستفزوا بسهولة و ينتقلوا الى الفئة رقم 3 اعلاه و بتقلب صبحية على طوشة على رفع ضغط

  8. فئة الزوار“: و هؤلاء رائعين، بيدخلو على تويتر بفترات متباعدة، بيرميلو أكمن تويتة و بيختفي، مرات تويتاته عادية

  9. فئة ابو أجندة“: و هؤلاء عادة يستخدموا تويتر لأهداف سياسية و عندهم إصرار على إحداث تغيير في العملية السياسية في البلد بناءً على أفكار و مفاهيم و أدبيات مختلفة. ما استطيع ان اقوله ان تويتر مكان ممتاز لنشر هذه الاراء و لكن الصعب هو كسب إجماع الاغلبية على الافكار الهادفة (مش كل الناس زي بعض) و يحاول هؤلاء بشتى الطرق الوصول الى شريحة واسعة من ال tweeps مما قد يدخلهم بحروب اليكترونية مع فئة رقم 7 اعلاه

  10. فئة أحباء ال quotes”: و اكثر ال quotes تأتي من Zig Ziegler, Marl Twain, Tom peters, Abraham Lincoln، Gandhi

  11. فئة شيحان تويتر“: و بيعطوك اخبار إشي بيزهق على إشاعة على دقّ اسافينوإنو فلانة طلعت مع فلان، و فلان حرق رموشو، و فلانة سرقت مصاري من أمهاو هات عاد.

عندك موديلات ثانية؟

16 thoughts on “مجتمع تويتر الاردني، الأصناف و المواصفات… من أنتم؟

  1. Interesting post, but then again no one actually bothered to explain that Twitter is a news network, so I don’+t quite expect people to it treat accordingly

  2. ممكن الواحد يلاقي حالو بأكثر من فئة ؟
    and when you said good morning amman category, did u mean with pics? meshan to add myself 3ala hay el “no comment” category :p

    nice post wallah

  3. أكيد مش أي حدا ممكن يعمل هيك تحليل إلا إذا كان واقع لشوشته في عالم التويتر.. علشان هيك أنا عندي سؤالين:
    1- حضرتك من أي نوع من هاي الأنواع
    2- ممكن يجمع المغرد بين أكثر من نوع؟ يعني أنه يكون نوع مركب يعني

    شكرا🙂

  4. فئة بدي أصاحب بنت\شب
    فئة أنا فايت عالحمام، عم بحك راسي، شامم ريحت الغدا، نزل الغدا، عم أتغدا، الخ الخ الخ
    فئة أنا مو عاجبني الشغل، أنا مو عاجبني “البلد” و لا “التقسيمة الجديدة” و لا مطعم هاشم البلد
    فئة الانطربرنورز و ال CEOs
    فئة أنا مش عارف الله وين حاطني

    و مازال للحديث بقية

  5. حبيتها كتير P:

    في موديل بجلط:
    – فئة الـ “Love over IP”: بقعد يتغزل و يوصف و يصبح و يمسي و يهدي أغاني لخطيبته .. مدري حبيبته! ازا كانت موجودة ع تويتر ممكن كمان هي ترد، و ازا مش موجودة … صراحة ازا مش موجودة مش عارفة ليش هيك بتوّت.. بس يمكن عشان يغيظ الناس ال”single” زي حالاتي!! P: أو عشان يقهر الـ “ex girlfriend” في حال كانت موجودة ع تويتر!!🙂

  6. تويتر شبكة تواصل اجتماعي اكثر من كونه شبكة اخبارية… يعني كل واحد يحكي اللي بده اياه وقت ما بده زي ما بده لمين ما بده, ممكن في يوم واحد اصبح عل ناس بعدين احط مقولة ورابط لمواقع عن الرسم والتصميم و ادردش مع اصحابي…. ما في اشياء محددة🙂
    ظريف الpost شو رأيك تعرفنا عن أنواع الناس في الأردن عل فيسبوك كمان من فضلك؟ أنا مش من قليل شطبت الفيسبوك تبعي لأنو.
    تحياتي

  7. نوع جديد و الي هو باخد كل اشي زي ما بدوا و بقلب الموضوع حرب شخصية اعطيك مثال ” شو قصدك يعني انت احسن منا, طب حضرتك اي نوع يا ابو فهمي انت بالله كل واحد يشوف حالوا بالاول” لوووول فهمت علي

  8. HaHa Nice one

    كمان موديل الشخص الي بدو يطلعك ما بتنتمي لا اشي خاوة

    مثل انا: صباح الخير جميعا اليوم حلو و انا كتير مبسوط

    الشخص: كيف مبسوط و في ناس عم بتموت بالعراق

    انا : طيب انا حكيت اشي و الله معهم و يقويهم

    الشخص : يعني الله معهم بس انت لأ

    انا : والله مش هيك قصدي يا علينا

    HAHA AND SO ON😉

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s