نصائح شخصية للأيام الرمضانية

رمضان على الأبواب، و مثل السنة الماضية و 11 سنة القادمة سيأتي في أشهر الصيف، على العموم هذا أمر واقع و علينا أن نتعامل معه، إما بالعصبية و المسبات و الطوش و النرفزة أو بالروقان و هدوء الاعصاب و توزيع الابتسامات، …. إبتسم أنت في الاردن.

عندي نصائح شخصية للشهر القادم، انت حر بأن تاخذ بنصيحتي أو لا تأخذ بها طبعاً، فأنا بالنهاية مجرد شخص عادي عايش بالبلد و برميلي أكم كلمة على المدونة… و لكن خلال السنين اللي عشت فيها رمضان واجهتني تشكيلة من الاحداث خلتني أكتب هاي النصائح، و منكم نستفيد بالنهاية.

النصائح حسب الاهمية كالتالي:

  1. تجنب المواجهة مع الناس: و لا اقصد أن تعزل نفسك و تنخرسJ و لكن حاول قدر الامكان أن لا تدخل بنقاشات و سين و جيم و شو هاظ و شو هاظاك… الخ. بالعربي خليك الحيط الحيط، الفائدة: بتظل أعصابك رايقة و بيرتفع ضغطك و با بينشف ريقك اذا كنت صايم، اذا ما كنت صايم لأي سبب برضه بتظل أعصابك رايقة.
  2. نظّم مشترياتك بكتابة اللوازم و مكان وجودها: يعني حاول قد ما تقدر تقليل مشاويرك الى السوق. حاول تعرف أحسن الاوقات للتسوق (ممكن يكون الوقت عزّ الظهر)
  3. نصيحة للصائمين: إجعل أكلك بطيخ و تين و ماء فقط، فكك من الطبيخ و اللحم و الى اخره، الدنيا شوب و مش ناقصك تنفجر.
  4. المواصلات 1: ساعد المجتمع بحل أزمة السير، يعني اذا بتعرف جار او قريب الك طريقو من طريقك مش غلط يركب معك، على الاقل بتوفر مساحة سيارة في معمعة الازمة. و اذا ما كان عندك سيارة برضو مش غلط يركب معك جارك او صاحبك (الحكي بمشي على البنات كمان)
  5. المواصلات 2: سوق السيارة شوي شوي، و حط ببالك انك اذا سقت مثل المشعوط بعزّ الازمة ممكن تعمل حادث و لو صغير و تقعد تستنى التحقيق المروري يوصلك بهالطقس الرائع. طبعا مش تسوق مثل المرعوب من كل واحد بتشوفو و تروح تعمل حادث أسوأ من ابو مشعوط.
  6. بعد ما توصل البيت لا تخرج ابدا و لو طلبو اهلك رغيف خبز (راجع نقطة 1)
  7. المسلسلات على التلفزيون احلقلها، سخيفة و ما الها طعمة و تجارية، احسنلك شوف فيلم دي في دي او شوف اصحابك، حاول تتجنب الكوفي شوبات لأنها غالية نار، اعطيها ارجيلة بالبيت و حتى على الرصيف أرخصلك و ما بتطرق مشوار بالسيارة وقت الازمة بالليل

و مبروك عليكم الشهر

One thought on “نصائح شخصية للأيام الرمضانية

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s