ماغي فرح الغرايبة- تنبؤات غير فلكية

بمناسبة العام الجديد، أحب أن اعطيكو تنبؤاتي للعام الحالي في الاردن في معظم المجالات، أرجو اخذ الموضوع بشكل جدّي لأن السنافر و هاري بوتر أكدوا تنبؤاتي مية بالمية

  1. في السياسة: يبقى الحال على ما هو عليه، مطالبات شعبية و غير شعبية بالاصلاح، مع قليل من الفئات المندسة و ذات أجندات خارجية و زنبركية، كل جمعة في مسيرة و اعتصام بأعداد تعتمد على الطقس و المكان و الوقت (قبل قبض الراتب أو بعده). أحزاب جديدة تحت الانشاء  في محاولة لكسر أغلبية القاعدة الواسعة للأخوان المسلمين. الحكومة طبعا على ما هو عليه تستعمل المسيرات و تباركها ل “تطلب” مساعدات لضمان الاستقرار السياسي.
  2. إقتصاديا: يبقى الحال على ما هو عليه كمان. ميزانية مثل ميزانية السويد، و عجز “غير متوقع” مثل كل سنة. ممكن التعيينات تزيد في وقت من اوقات السنة بعدين بتوقف. الانطربرنورز رح يزهقوا و نفسهم ينقطع، الضرائب و الجمارك رح تظل المورد الاهم للخزينة.
  3. إجتماعيا: احتمال جرائم الشرف تنخفض (قولو ان شاء الله)، طبعا لأسباب لا تتعلق بالشرف (ارجع للنقطة 2 أعلاه- سلامة فهمك). رح يظل الاردني مقاطع قرايبه بالريف و البادية و قاعد بعمّان بيصرف ديزل و بنزين و أراجيل و برشلونة و ريال مدريد.
  4. تعليميا و أكاديميا: الله يستر…. رسوم المدارس الخاصة رح ترتفع و الاهالي مثل الارانب بيدفعو خاوة. شوية جوائز تقديرية للكادر التعليمي لأغراض تحفيز التعليم في المدارس الحكومية. لا أتنبأ بحصول مشكلة مثل قصة الولد بالصف الأول اللي كان يتبهدل من المعلمة. احد الاردنيين في الخارج من 30 سنة سيفوز بتقدير و جائزة في التفوق في بحث او منتج و تتحدث عنه الجرايد بالاردن كأنه قاعد بالجامعة الاردنية.
  5. قطاع العقار: لا تعليق… تلبستني أرواح شريرة عند محاولة التنبؤ في هذا القطاع
  6. التكنولوجيا: يبقى الحال على ما هو عليه، سنظل مستهلكين للتكنولوجيا و نعتقد اذا الواحد عمل موقع بيكون منتج للتكنولوجيا. رح نظل نغير تلفونات كل 4 اشهر و ندفع بالاقساط.
  7. الشبكات الاجتماعية: برضو…. يبقى الحال على ما هو عليه، الكل عامل حالو زعيم و أهم و احد ع تويتر  و فيسبوك، ما رح نزهق جمل مثل “لوووووووووووول” “يااااي شو نايس” “كتييييييير  لابئين لبعض يا رب ما تتطلقو” الخ
  8. جغرافيا: رح نظل ندعي ليل نهار يصير زلزال او كسوف او خسوف عشان نعطّل و نقعد بالبيت أيام الاحد او الخميس
  9. رياضة: لا أتنبئ باحتراف اي لاعب من النوادي الاردنية  في أوروبا.
  10. فن: أي فن؟

بالنهاية… ما رح تفرق السنة شي.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s