اليوم الاول في نادي الرياضة- First day in the Gym

فيش بعد الصراحة، ما عمري كنت رياضي بشكل منتظم، طبعا أيام الطفولة غير محسوبة مع إني كنت نشيط في هالموضوع و العب تقريبا كل يوم كرة قدم أو كرة سلة.

و الآن، بعد أن أطفات شمعتي ال 37 التحقت بنادي (Gym)، و فيش بعد الصراح اللي شجعني هو أن الاشتراك السنوي جاء كهدية من زوجتي العزيزة (هدية ذكية الشهادة لله).. على العموم سحبت حالي و رحت من *** الصبح على النادي و عندي شعور مثل أول يوم بالمدرسة بالصف الاول… قلق، استغراب، نوع من عدم المعرفة… الخ.

في السابق كنت ادخل النادي في أيام سفر للعمل، و كان النادي جزء من الفندق اللي أقيم فيه… النادي في الفندق له نكهة خاصة و بالذات في الغرب.. طبعا جزء من توقعاتي ان الوضع بعمان رح يكون هيك بعد زيارة خاطفة للنادي البارحة- بلا تشبيه.

و الله و دخلت.. تعرفت على المدرب و بلش يعطيني التمارين على جرعات مثل أكل الولاد الصغار.. أوزان خفيفة (وقية كنافة او اكثر) و هكذا.. الصراحة شوي الشعور ممل و لكن بعد اجراء التمرينات مع الوقت يعطي شعور جميل (زهزهة)… المزعج بالموضوع الاجراءات اللوجستية قبل و بعد التمرينات… مملة و تاخذ وقت مثل الطبيخ او تعمير الارجيلة، و هيني قاعد احاول تقليص وقت هاي الاجراءات الى الصفر. و من النهفات اني نسيت أجيب منشفة و قنينة ماء للشرب- طبعا كنت مفكر في مناشف دافية و طالعة من المغسلة و بتستنى بحضرة جنابي.

لاحظت ان معظم رواد النادي من نفس الفئة العمرية، بالثلاثينيات، و كلهم موظفين- واضح جدا، و يأتوا تقريبا بنفس الوقت و كأنهم على موعد لاجتماع. أنا كنت مفكر ان النادي رح يكون شبه فاضي الصبح و اكتشفت العكس، و هذا شيء كويس ان يكون هناك جزء لا بأس به من الناس من يستيقظ باكرا و يعمل تمارين قبل الشغل.

ان شاء الله الايام الجاية بسلك و بتعود على الموضوع، على الاقل عند لمس الفرق بالكرشJ

9 thoughts on “اليوم الاول في نادي الرياضة- First day in the Gym

    • والله بصراحة هدية حلوة على عيد ميلادك
      كل عام وانت بخير🙂
      انا شعرت نفس شعورك بالضبط لما سجلت بالمسبح
      من حوالي سنة تقريبا، كمان قلت بكون مافي حدا الصبح
      خصوصي انو الوقت من 6.30 الصبح لحتى 8.30
      وكمان الناس كلها موظفين، واعمارهم بين 25-35
      نفس حكاية النادي بالضبط
      وعنجد لقيت شي منيح انو الناس تفيق الصبح مشان تلعب رياضة وتحرك هالجسم شوي، لأنو عندك بين 9-11 ساعة على الكومبيوتر جلووووس

      بالتوفيق😀

  1. معك حق الإجراءات اللوجستية أسوا شي وبت أخد تقريبا متل وقت التمرين او اكتر… قديش وزنك؟

  2. خطوة ممتازة🙂
    بس المهم الاستمرارية برأيي
    و لهذا أتشدش كثير🙂

    و إن شاء الله بتطفي الشمعة القادمة بدون “كرش”🙂

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s