طرق عملية لتخفيض سعر البنزين في الاردن

طرق عملية لتخفيض سعر البنزين في الاردن

و أخيرا قامت الحكومة برفع الدعم عن المشتقات النفطية الاساسية مع اول شتوة. و طبعا المواطنين إما ساكت و إما مقتنع بالقرار و إما ظارب بوز و إما مش سائل و إما طالع مظاهرة…

في طريقة سحرية لخفض سعر المشتقات النفطية و بسرعة…. خاصة البنزين و اسطوانة الغاز و الديزل… الحل هو مقاطعة هاي المشتقات… يعني بالعربي الفصيح لا تسوق السيارة و لا تطبخ الا مرة او مرتين على الاكثر بالاسبوع و لا تتحمم الا مرة او مرتين بالاسبوع. هذا الحل يناسب الطبقة الغنية و المتوسطة اذا يهمها مصلحة الشعب و ليس مصلحتها الخاصة فقط.

لو تعمل هيك لمدة شهر او اقل رح تشوف الاسعار بالارض. و بعدين رح تفرج و تقدر تعيش مثل الوضع كما كان.

الموضوع سهل و اليك الطريقة:

  1. لا تطلع بالسيارة في ايام العطلة الاسبوعية… إنظب بالبيت. خلص ممنوع شمة الهوا فوق ما انت اصلا مخنوق. يا سيدي اطلع كل 3 اسابيع مرة بس بالعقل.
  2. لا تعبي سيارتك بنزين بأكثر من 5 دنانير حتى لو معك 200 دينار كاش بجيبتك
  3. حاول تشتري اغراضك من الانترنت.. حتى لو رح تدفع زيادة شوي
  4. اذا كان عندك اشتراك في نادي رياضي gym تحمم فيه.. لا تتحمم بالبيت
  5. اقساط المدرسة: لا تدفع حتى آخر يوم.. و بآخر يوم ادفع مبلغ بسيط.. لا تخاف ما رح يرموا ابنك بالشارع لأنو المدرسة مدبّرة امورها ما تقلق
  6. لا تشتري اغراض للبيت…خلّص كل الاكل الموجود بالبيت بالاول بعدين اشتري اغراض و لمّا تشتري اشتري بالقطارة… يعني مش ضروري تشتري علكة، شوكلاطة، كورن فليكس (OMG OMG)، الخ الخ… يا أخي قضّيها شوربة عدس و بعدين استخدم الطاقة الناتجة للتدفئة

شهر زمن و الاسعار بترجع مثل أول اذا مش اقل. الكازيات رح تصير فاضية، المولات فاضية، الشوارع فاضية… بس رح يكون معك كام دينار دعم من الحكومة (شيك من بنك الاسكان- فرع الاطفال) و راتبك اذا عندك راتب ماشي مثل المعتاد.

طبعا رح تقول مش رح تفرج… يا سيدي احتمال ما رح تفرج، على الاقل رح يكون معك مبلغ و لو بسيط تسلّك امورك يوم بيوم اذا طوّلت الشغلة… و ان شاء الله ما رح تطوّل

3 thoughts on “طرق عملية لتخفيض سعر البنزين في الاردن

  1. أعذرني يا خالد على تعليقي المتشائم و لكن:

    بمحاولة وضع الواقعية جانبًا و لو لوهلة و محاولة تحييد المشاعر لمواجهة ما يحدث من رفع الدعم عن المشتقات و توابع ذلك، جميل أن نكون عمليين و نفكر لشهر للأمام (بدناش لسنة!)
    و لكن بموازاة ذلك (و لن أقول قبل) ألا نحتاج لبدء خطوات نحو التفكير/التنفيذ الجمعي، معظمنا لن يفعل شيئًا مما ذكرت و سنلجأ لوسائل أخرى (أخرى بالفعل!) و قليل آخر لفترة بسيطة و بعد ذلك .. خلص! ذاكرتنا قصيرة بل مثقوبة!!
    لسان الحال = this too shall pass, meanwhile.. time for some action
    هل هذا بعيد عن(ا)؟
    أتمنى .. كفانا محاولات فردية و ضرب عشواء هنا و هناك و تمترس غبي

    ——
    انتهى التشاؤم خلص
    آسف للتخبيص

    • هاظ هيك حاسب حالك متشائم؟:) كلامك صحيح و أصح مما قلت انا في التدوينة.. لكننا جميعا افلسنا في اتخاذ الخطوات سواء كأفراد او كجماعات… إنسى

  2. متشائم
    because I know for a fact a lot of children will sleep shivering
    متشائم
    because a lot of moms will NOT sleep trying to install some warmth in them
    متشائم
    because a lot of dads will pretend to go out at night to (figure something out) only to find an excuse to shed a tear or two

    I will tweet, blog, lament about it but that`s all what I shall do! BIG talk😦
    it aches one`s heart to see this from a far and feel (more) helpless

    ya Khaled
    ya 5oofy this one will be jad an irreversible
    thing! Maybe not in the coming 2-3 months but after elections it will be ugly!

    أستودعكم الله جميعًا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s