وين صورتك يا بنت على الفيسبوك؟

كثير ناس اثاروا هذا الموضوع، كثير من البنات و نسبة كبيرة من الشباب ما بيستخدموا اسمائهم الحقيقية على الشبكات الاجتماعية و خاصة الفيسبوك و حتى تويتر، مع انه تويتر النسبة اقل من فيسبوك.

يا اختي (اخي) ليش ما تكون واقعي و تحط بروفايلك الحقيقي.. طبعا ستنهال التعليقات بالاسباب (حجج مش اسباب) التي تدفع الناس باخفاء بروفايلهم الحقيقي للناس. من الآخر و بدون مقدمات السبب هو… عدم الثقة بالشخصية. شو يعني اذا كنت صريح بالتعريف عن نفسك في تعليقاتك و صورك المنشورة على الفيسبوك مثل؟… طبعا يجب استثناء الاشخاص الذين يشاركون الناس بأراء سياسية من العيار الثقيل خوفا من ان يتعلّقوا من.. إحم.

هاظ موضوع انه واحد رح يستخدم الصورة و يركّبها على جسم جنيفر لوبيز و يبعثها لاصحابو مش خاشة مخي، يعني البنت عارفة حالها و اهلها عارفين اخلاقها و معارفها بيعرفوا تصرفاتها، فا شو ما صار من إساءة رح يكون معروف انها شغلة بايخة و بلا معنى. و اذا كانت البنت (و الحكي للشباب كمان) من “اللي اياهم” على قولة بنات عمان، فنشر صورها (او صور الشب) ما رح يكون اشي غريب او عجيب… الا اذا كان الشخص من برّا مبين ملاك يمشي على الارض بس بالسر بكون وكيل هيو هيفنر أو Bunny بالشرق الاوسط.  تذكرت سولافة من زمان، قبل الفيسبوك و الانترنت… واحد كان يدرس ببريطانيا و متصور حضرتو مع شلة و قزايز البيرة مصفطة على الطاولة، طبعا حضرتو جاب الصور لما رجع على البلد و ابوه شاف الصور بغيابه.. طبعا اجا الشب على البيت و امه و ابوه قاعدين و الصور على الطربيزة و يا حبيبي… ابوه بسأله: ولك بتشرب ويسكي!!!!! الشب بكل هدوء: يابا هاظ مش ويسكي هاي بيرة.. الاب جاوب: اذا مش ويسكي مش مشكلة، انا آسف..

ازمة الثقة بين افراد المجتمع خاصة ان مجتمعنا صغير و مرتبط بعادات و تقاليد و اعراف و اديان جعلت اخفاء الشخصية الحقيقية للانسان افضل من اظهارها بكل وضوح و صدق… بس اذا بدنا نظل هيك ما رح نخلص… كفانا بروفايلات مثل “الوردة الحزين” و “انا الالم بعينه” و “الامورة البقرة” و “المعصمصة الشاحبة” و “سوسو الشجاع”

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s